RÈKRÈASI
ANGKADHÂN
Nalèka bulân Juli taon 2014, na’-kana’ kalowaran SMP
ampon pâḍâ rèpot nyèapaghi parlangkabân kaângghuy rekreasi angkadhân. Arè ampon
aghântè, tangghâl ampon aghântè. Ampon dhâddhi kabiyasa’an saamponna kalowar
dari SMP. Kalabân rekreasi da’ Bali.
Puput posang sabâb rèng seppona ta’andi’ pèssè. È bâkto
sar-asar abâ’na nompa’ sapèda pancal èntar ka kancana kaângghuy atanya
kadhiponapa dâddhi napa burung rekreasi angkadhan. “Assalamu’alaikum.... Sulis ajhawab “Waalaikumsalam....”
“Bâḍâ Tina Ka’?” Puput
atanya da’ Sulis
“Bâḍâ Put” Sulis Ajawab
“Bâ’na Put? Mara toju,
bârâmma kabhârrâ Put?” Tina atanya sambi toju’
“Alhamdulillah.... bârâs
Tin” Jawabbha Puput
“Bâḍâ parlo apa bâ’na
ka sèngko’?” Tina atanya dha’ Puput
“Hmm ano Tin, sèngko’
terro atanya’a dâddhi apa burung rekreasi angkadhan?
“Beh Dhâddhi Put
rekreasi angkadhan ka Bali” Tina Ajawab
“Oh...
dhâddi, tangghâl bârâmpa Tin?
“Mon
ta’ sala tangghâl 21 juli Put” Jawabbha Tina
“Sèngko’posang
Tin sabâb emma’ sareng eppa’ ta’ andi’ pèssè ghâbay rekreasi, bârâmma
Tin?
“Kodhu noro’ Put.”
Jawabbha Tina
“Iyâ lakar Tin, tapè
sengko’ bingong se ollèya pèssè?”
“Iyèh kèya Put.” Tina
sambih mekker
Bâkto rop-sorop arè kalaban posang Puput molè ka bèngkona.
È sapèḍâ pancal Puput sambi mèkkèr. “Ollè pèssè ḍâri dimma yâ?”
Kalagghuwânna bâkto moncar arè samarena asalat sobbhu, Puput
acabis ḍâ’ rèng seppona. Saamponna Puput adhabu da’ emma’na, pas bapa’na dateng
ḍâri ngarè’ rebbhâ.
“Bâḍâ apa Bing?”
Petanya Bapa’na Puput sambi nyâba’ rebbhâ.
“Bhunten kaula bâḍâ
parlona da’emma’ sarèng eppa’” Jawabbha Sanusi
“Iya’ toju’ ghâllu sèngko’
ghi’ ka dâlemma sakejja’ Cong”
Saamponna Bapa’ toju’, Puput pas adhâbu da’ Bapa’na.
“Pa’ Ma’ kaulâ ameddhâ
ka sampèyan, kaulâ èntarra ḍâ’ Bali sabâb bâḍâ acara ḍâri sakola Rekreasi
Angkadhan.” Oca’na Puput sambi du’nondu’.
“Duh,Bing! Èlla rapah
ta’osah noro’, Eppa’ ban Emma’na ta’ bisa abhândai rekreasi ghâbay ngakan bhai
mlarat” Jawabbha Eppa’na
“Nika’ acara wajib ḍâri
sakola bân-sabhân taon pastè bâḍâ rekreasi angkadhan.”
“Duh èlla rah bing sèngko’
tako’ bâḍâ pa-apa ejhâlan sabâb Bali jauh”
“Insya Allah Pa’ sobung
pa-apa è jhalan.”
“Bârâmma Put Eppa’
sareng Emma’ ta’ andi’ pèssè sè kaângghuy majerrâ”
“Èngghi Dhinggal Eppa’
sarèng Emma’ ta’ osa posang, kaulâ nyo’on rida’na sampèyan” Panyo’onna Puput
da’ ka Eppa’na sareng Emma’na
È bâkto minggu pagi Puput andi’karèp èntarra ka bèngkona
le’na Rahwiya. Tapè Puput arassa cè’ todussâ marghâ ta’biyasana nginjhem pèssè
ka Le’na. Tada’ pèlèyan laèn Puput tèrros mangkat ka bèngkona Le’na, me’ pola bâḍâ
petolong dari se kobasa.
Sadâpa’na ka bèngkona Lè’Rahwiya, Puput ngolok salam “Assalamu’alaikum.....
Lè’Rahwiya ajawab “Waalaikumsalam....”
“Bâ’na Put mara masok”
Dhabuna Le’Rahwiya
“Èngghi Lè’”
“Bâḍâ parlo apa bâ’na
ka sèngko’ Put cora’cè’sossana?” Lè’Rahwiya atanya
“Hmm.... ano Lè’, kaulâ
bâḍâ acara wajib ḍâri sakola’an rekreasi angkadhân tapè ta’ andi’ bhândhâ. Rèng
seppona kaula ta’andi’ bhândâ.”
“Bârâmpa biayana
rekreasina Put?” Le’Rahwiya atanya
“Biayana 750 ebu le’.”
Jawabbha Puput
“Oh, Mon sajârèya dhina
èpangènjhâmana sèngko.” Jawabbha Le’Rahwiya maperak
Puput atanya “Bilâ ra-kèra
lè’ pèssèna rèya sè è kabhuto?” Mon ra-kèra sakejjhâ’, kaulâ tako’ ta’bisa nyèrra”
“Iya dhina la Put, bilâ’â
bhâi bâ’na andi’, otabâ cècèl ta’ arapa” Jawabbha Lè’Rahwiya maghâmpang.
“Iya sakalangkong Lè’...”
Jawabbha Puput Perak
“Dântos Lè’ ghi’ ka dâlèmma
ngala’a pèssèna”
Saamponna Lè’Rahwiya ngala’ pèssèna ka dâlem, Pas Lè’Rahwiya
ngoca’ “Rèya Put Pèssè ghâbay biaya ka Bali Rp.750.000, Rp.300.000 rèya è bèrri’so
Lè’ ghâbay jâjân è Bali”
“Saporana Lè’ marèpot,
Sakalangkong Lè’ Kaulâ palèmanna ghâllu, Assalamu’alaikum”
“Waalaikumsalam, tè-ngatè
Put”
Tangghâl 21 Juli 2014 Rombongan SMPN 1 SUMENEP magkaddhâ Rekreasi
ka Bali. Parjalanan ḍâri Sumenep-Bali 3 arè. Sadhâpa’na è Bali para morèd sarèng
ghruna a sokkor sabâb salama parjalanan tada’ hambatan. Sè è tojjhu nèng Bali
iyâ arèyâ tempadhâ wisata. È ḍâlem bus Tina bân Puput adhâ-kandhâ.
“Tin Bali cè’ rammèna
ya?” Oca’na Tina da’Puput
“Bèh bènni Bali mon ta’
rammè Tin” Jawabbha Puput
“Iyâ kèya bhender Put,
bila ya Bali ta’rammè?”
“Bârâmma ta’ rammè bânnya’
turis asing sè èntar ka Bali Tin, ḍâri sakèng bânnya’na turis tagèr tempat
wisata kosong kâbbhi”
“Bèh, Mon kosong kâbbhi
bènni Bali Put Papua nyamana bârâmma bân Put”
“Iyâh kèya ta’iya, bèh
tapè mon kosong pas da’ remma put seppè Bali tada’ orèng?”
“Yâh ta’taoh kèya sèngko’,
dâggi’ è tanya’aghiyâ ka panjagâna”
“Iyâ tanya’aghi Put”
Jawabbha Tina sambi mesem
Saamponna 3 arè nèng Bali para rombongan pas molè ka
sumenep. Sakabbinna morèd sarèng guru pada pèrak asabâb marèh rekreasi da’
tempat se paleng favorit neng Bali. Neng Bali mored sareng guruna pada melle
le-olle ghabay la-bhala neng sumenep. Ru-guru sarèng rèd-morèd pâḍâ
arèng-bhârèng afoto ghâbay nang-kennangan.
Apa judulny??
BalasHapus